影片
更多
2020-05-17
1874 浏览
三希楼 #铜锣湾❗️贵得有价值川菜餐厅 捧住个肚超满足咁走❗️唔打唔撞嚟咗呢间少贵嘅川菜🙈虽然价钱偏贵，但无可否认水准的确高质👍🏻👍🏻👍🏻而且仲有好多地道特色川菜，钟意食辣野嘅一定要试。金汤鱼🐟$488经常食川菜嘅我都系第一次见到金汤鱼，味道同酸菜鱼类似，但系用上黄灯笼椒辣酱同埋南瓜制作汤底，所以会呈金黄色，卖相更加华丽✨虽然冇咩南瓜味，但系酸辣味十足，超级香浓😆而且每一块鱼都好滑，虽然份量唔算好多，感觉有啲贵，但佢浓郁惹味嘅程度真系超水准。味道: 4.5/5性价比: 4/5水煮滑肉片 小🐷$298相反呢一个就抵食超多🥰虽然话系细，但系超级多肉，仲要有大量红薯宽粉，系我见过最厚而且好烟韧！居然用上猪颈肉，肉质口感绝对好，仲要非常有镬气，每一旧猪肉都好似爆香过咁，美味无比😍！味道: 4.5/5性价比: 4.3/5正宗四川担担面🍜$48都有啲平价啲嘅面食，担担面就系其中一款。辣辣地富有花生香气，做到担担面应有嘅味道，但未算好浓郁，份量有少少细，几啖就会食晒🙈面条较为幼，口感淋啲，但胜在索晒汤底。味道: 3.8/5性价比: 3.8/5整体来讲呢一间四川菜真系超好食🤩虽然价钱有啲贵，但绝对值得一试
❗️贵得有价值川菜餐厅 捧住个肚超满足咁走❗️
唔打唔撞嚟咗呢间少贵嘅川菜🙈虽然价钱偏贵，但无可否认水准的确高质👍🏻👍🏻👍🏻而且仲有好多地道特色川菜，钟意食辣野嘅一定要试。
金汤鱼🐟$488
经常食川菜嘅我都系第一次见到金汤鱼，味道同酸菜鱼类似，但系用上黄灯笼椒辣酱同埋南瓜制作汤底，所以会呈金黄色，卖相更加华丽✨虽然冇咩南瓜味，但系酸辣味十足，超级香浓😆而且每一块鱼都好滑，虽然份量唔算好多，感觉有啲贵，但佢浓郁惹味嘅程度真系超水准。
味道: 4.5/5
性价比: 4/5
水煮滑肉片 小🐷$298
相反呢一个就抵食超多🥰虽然话系细，但系超级多肉，仲要有大量红薯宽粉，系我见过最厚而且好烟韧！居然用上猪颈肉，肉质口感绝对好，仲要非常有镬气，每一旧猪肉都好似爆香过咁，美味无比😍！
味道: 4.5/5
性价比: 4.3/5
正宗四川担担面🍜$48
都有啲平价啲嘅面食，担担面就系其中一款。辣辣地富有花生香气，做到担担面应有嘅味道，但未算好浓郁，份量有少少细，几啖就会食晒🙈面条较为幼，口感淋啲，但胜在索晒汤底。
味道: 3.8/5
性价比: 3.8/5
整体来讲呢一间四川菜真系超好食🤩虽然价钱有啲贵，但绝对值得一试，而家都仲回味紧！顺带一提，菜式冇得挑选辣度，真系会辣到出晒汗流鼻水，但又好刺激好正，食到唔停口😚。
另外佢哋仲有火锅选择，想食麻辣火锅嘅都可以黎试吓。
金汤鱼
$488
190 浏览
0 赞好
0 留言
水煮滑肉片 小
$298
74 浏览
0 赞好
0 留言
四川担担面
$48
99 浏览
1 赞好
0 留言
张贴
