念川居 (MOKO新世紀廣場)

营业中

休息中

屋企人见中秋节假期，一于带老人家去食好嘢，于是揾到呢间试吓（因为平时行过见到都多人等位），好彩今日假期都唔使等位等到天荒地老，一去到即刻有好位置入座；坐低见到点心纸，价钱真系唔平（点心最平都$4x或以上），但仍然座无虚席。咁我哋就点啲又唔系太贵又几吸引嘅嚟试吓，见点心纸上面啲相以为又系细细碟食唔饱𠮶啲，最后四个人叫咗八样点心；到点心嚟到每样都有啲份量，上碟精致食上嚟又好好食，尤其系啲虾又大只又爽口弹牙，碟碟都好出色，最后食到个个都舔舔脷。最后结论，无论食物质素、环境舒适度同楼面嘅服务态度，绝对有下次（绝对绝对不是打手）。