翡翠拉麵小籠包 (已結業)

路经此地，两口子撑台脚食餐晏。见到台台都叫小笼包，以为好正，于是叫番笼。谁知来到一睇，个个都穿底，Ｄ汤俾块垫底菜叶索晒！对住四个扁塌塌「小笼贴」，都唔之好嬲定好笑，笑自己咁好彩？差Ｄ想食块菜叶唔食个包，又惊俾隔离台笑我寒酸！成２６蚊架大佬！又叫左个酸辣汤拉面，四十几五十大洋，个碗就大得很，汤同面加埋得个碗容量一半，睇起黎鬼鬼鼠鼠！ＭＥＡＮ到极！酸辣汤只得几条冬菇丝，豆腐丝，唔知鸡红定猪红丝，同埋一Ｄ似笋又似沙葛物体，加埋豆粉芡，唔够酸又唔够辣，半天吊！加多个鸡丝粉皮，个四吋碟仔上面舖左Ｄ粉皮，上面再加一撮熟鸡胸肉丝，淋Ｄ麻油捞花生酱，盛惠四十几皮，真系新春大吉（老板）大利！呢餐晏仔连茶共银一百四十个大洋，多谢都冇声！食完得七成饱，够晒健康！香港地食野愈来愈贵，此等小店都仔浸蛟龙！计起上来重贵过日本！回想到日本自由行，晏昼成街类似格局食店，定食不外乎８００－１０００，就算去百年名店「玉秀」食亲子丼，都系八百零而已，何况进店离店，都有员工大合唱「欢迎！」同「多谢！」，差天共地！