Urban City Diner (已結業)

好难得入黎东涌探朋友，就约左一齐起度食个晏。呢度假日无set lunch, 最抵食已经系呢个all day menu, 起码有汤，有野饮先。✨餐汤居然有龙虾汤，味道唔错，仲有两粒龙虾肉仔，都叫有d 味嫁。✨餐饮有得㨂桃茶，汽水 或青柠薄荷梳打。㨂左桃茶，桃味几浓，几好饮又唔会太甜。✨温泉蛋卡邦尼烟肉意粉（$118): 望落劲细兜🤭捞埋个蛋食，个汁好香蛋味同比较清，但就唔系平时食开好浓郁果种卡邦尼酱汁既感觉。几钟意厚身款既烟肉，不过我最唔钟意手工意粉，口感好粗糙，无乜弹性同比较实。 ✨海鲜意大利炖饭（$188): 饭粒饱满索晒酱汁，酸酸地几开胃，不过就唔系好觉有龙虾味。 海鲜有带子， 大虾，青口。上面加左好多黑椒，香草碎，食落原汁原味，好鲜味弹牙。不过食晒d 海鲜之后剩左好多饭，就咁食有d 寡，最后居然食唔晒🤭✨ 已经唔系叫最贵既餐，埋单每人$16x~感觉上贵得黎个满足度好低。