小南國 (已結業)

因为买左团购，所以入去食。之前都食过几次，都系买团购，讲真间野几贵，如果唔系有团购都唔会食。一如既往，烤麸同生煎包必食。虽然唔系我食过最好B食嘅烤麸同生煎包，但依度嘅都唔错啦。葱油面又贵又唔好食，冇味, 又细，大家千万唔好叫。至于小黄鱼，值得一试，但唔会再有下次，因为一般啦，钟意脆口嘅系唔错，炸到脆到连骨都食埋。 樟茶鸭都值得一试嘅，几特别，口感同味都似食德国咸猪手：PP 但全家都觉得酱油鸭好食d依餐饭最令人满意嘅就系蟹粉豆腐，鲜鱼羹同酒瀼汤丸。讲豆腐先，真系好有蟹味，好好食，又滑。梗系啦128蚊得一碢仔咋，虽然好食但真系贵。鲜鱼羹就抵食好多啦，叫个例，有4碗满，清得黎好足料。正   最后甜品，今晚有d失准。酒瀼有d酸，之前食都未试过，但觉得汤圆有小小芝麻馅，觉得好食过丸子。酒瀼汤丸同酒瀼丸子一样价钱，我会拣前者。总结，有团购会再去食，因为佢d野贵得有道理，而且好多野食都唔错，除左葱油面。冇团购就咪搞我，尖沙咀沪江好食过佢。