Luxury (已結業)

尖沙咀西餐选择多，但系以私房菜形成，只限预约嘅餐厅，必要数到呢间Luxury。内里装修豪华，而且由厨师发办美食，保证款款新鲜。先有新鲜炸蚝作开胃小食，将新鲜蚝只炸得金黄香脆，内里仍保持新鲜蚝只质地，值得一赞。而煎鹅肝、黑松露鹅肝当然无令人失望，上枱时散发出吸引嘅香味，切落去已感觉到柔软质感，加上黑松露增添香味及咸味，就更为出色!主菜方面，先有卡邦尼意粉、香煎带子意大利饭，前者以正宗煮法，以忌廉烟内洋葱配料去煮，酱汁跟意粉非常合拍; 而香煎带子睇卖相都见到吸引之处，带有微微香烤感觉，加上用上汤煮制而成嘅意大利饭，吸收满满嘅上汤精华，最为吸引!而呢客杂锦海鲜汤，有齐带子、龙虾、青口等新鲜海鲜，净系品尝个汤，已经饮得左淡淡鲜味，再食埋龙虾白净而弹牙嘅肉、青口爽口嘅口感，真系非常满足!最后仲有绿茶拿破仑配雪糕作甜品，松脆嘅酥皮令人食过不停，而绿茶cream够软滑，同酥皮形成强烈对比嘅口感!