影片
更多
2022-09-25
119 浏览
同友人二人同行夜晚过嚟旺角呢间想试好耐嘅扒房，8点到餐厅等咗15分钟先有位，睇得出人气有番咁上下。安排咗坐喺近门口嘅bar枱位，无咁嘈。如果坐喺入面正常枱位置，个环境加埋播住音乐🎵都几嘈下。坐低唔洗点睇餐牌，因为我系为咗佢嘅热熔芝士纽西兰牛柳而嚟。$188，可以接受嘅价位，同朋友两个人谂都谂都一齐叫咗，仲加咗$25跟餐，即系会有餐汤、餐包、甜品同饮品。唔洗等好耐，餐汤、餐包同饮品好快就上枱。汤叫咗一个中式猪骨汤一个西式罗宋汤，两款又足料又大碗，净系个汤都觉得值得加钱要餐👍🏻。餐包正正常常够晒热，普通饮品唔洗加钱，我就加$15叫咗My favourite黑牛，有球雪糕配汽水透心凉。之后主角出场，个铁板牛柳一上枱超吸晴，即刻想食，但系仲要等侍应另外淋上用铁镬上嘅热熔芝士，拿拿声打个卡就试😍。叫咗5成熟，一切落去粉红色嘅牛柳好软淋，加埋芝士同黑椒汁，好邪恶，唔洗点咬就吞得，出乎意料之外咁好食😋！再试埋铁板上面嘅薯菜，有薯条、红萝卜仔、西兰花同粟米，都系高水准。大大块咁淋又无筋嘅牛柳，太好食所以好快比我消灭咗，都几饱下。最后上埋个甜品，系一件蛋糕仔，虽然系细细件，但系对于一个饱晒嘅我都系呢餐一
安排咗坐喺近门口嘅bar枱位，无咁嘈。如果坐喺入面正常枱位置，个环境加埋播住音乐🎵都几嘈下。
坐低唔洗点睇餐牌，因为我系为咗佢嘅热熔芝士纽西兰牛柳而嚟。$188，可以接受嘅价位，同朋友两个人谂都谂都一齐叫咗，仲加咗$25跟餐，即系会有餐汤、餐包、甜品同饮品。
唔洗等好耐，餐汤、餐包同饮品好快就上枱。汤叫咗一个中式猪骨汤一个西式罗宋汤，两款又足料又大碗，净系个汤都觉得值得加钱要餐👍🏻。餐包正正常常够晒热，普通饮品唔洗加钱，我就加$15叫咗My favourite黑牛，有球雪糕配汽水透心凉。
之后主角出场，个铁板牛柳一上枱超吸晴，即刻想食，但系仲要等侍应另外淋上用铁镬上嘅热熔芝士，拿拿声打个卡就试😍。叫咗5成熟，一切落去粉红色嘅牛柳好软淋，加埋芝士同黑椒汁，好邪恶，唔洗点咬就吞得，出乎意料之外咁好食😋！再试埋铁板上面嘅薯菜，有薯条、红萝卜仔、西兰花同粟米，都系高水准。大大块咁淋又无筋嘅牛柳，太好食所以好快比我消灭咗，都几饱下。
最后上埋个甜品，系一件蛋糕仔，虽然系细细件，但系对于一个饱晒嘅我都系呢餐一个几好嘅结尾。埋单每人大约$240，对比起一般港式扒房少少贵，但系都值得下次再嚟食吓其他嘢食。
热熔芝士纽西兰牛柳
$188
7 浏览
0 赞好
0 留言
张贴
