Waffills (已結業)

难得放假既星期日，系铜锣湾行街时见到有间窝夫店，坦白讲系香港好食既窝夫真系绝无仅有，于是抱住试下既心态入去。店内装修简单，可以坐既位都唔多。除了平时食开甜味既窝夫，呢度竟然有咸味提供，今次就试撕烤猪肩肉暖心窝夫。窝夫即叫即制，到手既时候仲系热腾腾，外型用个盒装住，其实系想方便大家外卖食，有个盒一撕开就食得，又唔会整污对手。窝夫外脆内软，入面既手撕猪肩肉系用秘制既烧烤酱汁烟熏烤焗而成，好嫩滑，加埋香滑既忌廉芝士，同埋新鲜既酸甜苹果粒，成个配搭好新鲜。食完咸味都系想试返甜味，雪榚苹果批窝夫，呢度雪糕可以拣雀巢，或Glacio。但食得都唔差果少少，当然拣Glacio啦。外脆内软既窝夫入面充满苹果粒，酸酸甜甜，味道清新，再配埋入口幼滑既summer berries ice-cream同比利时朱古力雪糕，一冷一热，好好食。冻香蕉朱古力奶昔奶昔口感十分幼滑，朱古力味浓，加上用新鲜香蕉打成既香蕉蓉同埋搅碎左既焦糖杏仁碎，非常有口感，淡淡既香蕉香味同浓浓既朱古力味，两者好夹，一定要试。Waffills比起其他窝夫店有新意，虽然定价高了一点，但都值得一试。