金子半之助 (新都會廣場) (已結業)

好佩服日本人对事情食物嘅专注同尊重。日本有好多店舖只会专注做一款食物， 贵精不贵多。今次喺香港葵芳新都会广场都揾到同一间贵精不贵多嘅日本餐厅“金子半之助“，专门食天妇罗，整个餐牌得三个选择，「江户前天丼」$138，「上天丼」$118 同「天丼」$98。 如果有选择困难症嘅朋友相信都唔会太头痛。今次点左用穴子造嘅「江户前天丼」$138 ，用咗成条穴子(即星鳗)做嘅「江户前天丼」，份量十足，啲𩠌依然铺满哂饭面，价钱都十分合理。穴子啖啖鱼肉嘅满足感，呢个穴子食落稍肉质腻幼滑，另外我好钟意𠮶个鱿鱼天妇鱼，切成一粒粒炸，每一粒上面都有香脆天妇罗炸浆，配合爽滑弹牙嘅鱿鱼肉相映成趣，而且天妇罗做到脆而不油腻。侍应姐姐仲好贴心教我地成到一半记得用双温泉蛋捞饭，同埋介绍腌萝白同牛蒡可以消滞解腻，几好服务。同埋呢度有款黑豆荼可以无限添饮，出面好少见，饮落甜甜地几特别。餐厅环境都以木做主色，背景播放日本三弦琴古音乐，有少少去左日本旅行嘅感觉，几适合几个朋友一齐静静地倾下计。