影片
更多
2022-08-04
2218 浏览
一向唔系自助餐fans , 但见Argo 咁出名，又成日见好爆满，抱住好奇心一试系咪咁好！ 之前睇咗唔小食评同介绍片，好坏参半… 入去行一圈，感觉四季就系咁，贵精不贵多… 有啲「短少精干」 只系比啲佢最有信心嘅食物比你咁… 睇佢摆位就见，热食唔算多，放咗喺一边，厨师个位直头角落生物咁.. 最当眼位系甜品同点心而其他海鲜，冷盘，沙律亦喺中间一样样讲沙律系个人喜好，人弃我取沙律菜好新鲜，配料仲有鲔鱼，牛油果，酱汁唔算多。 睇落明白唔太多人拎，就无谓浪费，碟碟都好细碟，都好嘅新鲜嘛！涷海鲜闲日无生蚝，睇柱都几新鲜几唔错，见员工不时会添，唔好抢，千万唔好太紧张！！食到尾都仲有！大家唔好见到涷海鲜就太兴奋😅 点心同中式热食就放近入口位 （无影，太多人） 当然，几百蚊任食嘅就唔好发梦系可以食到龙景轩点心😅 当日有烧卖，麻辣虾饺，粟米饺，素菜饺… 4款有三款都一样，想点？？ 换个小笼包或者其他点心都好吖😓 最好食系烧卖同麻辣虾饺！ 但未到好惊为天人，正常水平… 虾饺唔整麻辣会好啲，佢系好香同好麻辣，但会因为太辣好多人食唔到… 乳猪见清盘咗几次，食到中间一点左右见无人再攻先食到… 原来真系好好食！唔怪
之前睇咗唔小食评同介绍片，好坏参半…
入去行一圈，感觉四季就系咁，贵精不贵多… 有啲「短少精干」 只系比啲佢最有信心嘅食物比你咁… 睇佢摆位就见，热食唔算多，放咗喺一边，厨师个位直头角落生物咁..
最当眼位系甜品同点心
而其他海鲜，冷盘，沙律亦喺中间
一样样讲
沙律系个人喜好，人弃我取
沙律菜好新鲜，配料仲有鲔鱼，牛油果，酱汁唔算多。 睇落明白唔太多人拎，就无谓浪费，碟碟都好细碟，都好嘅新鲜嘛！
涷海鲜
闲日无生蚝，睇柱都几新鲜几唔错，见员工不时会添，唔好抢，千万唔好太紧张！！食到尾都仲有！大家唔好见到涷海鲜就太兴奋😅
点心同中式热食就放近入口位 （无影，太多人）
当然，几百蚊任食嘅就唔好发梦系可以食到龙景轩点心😅
当日有烧卖，麻辣虾饺，粟米饺，素菜饺… 4款有三款都一样，想点？？ 换个小笼包或者其他点心都好吖😓
最好食系烧卖同麻辣虾饺！ 但未到好惊为天人，正常水平… 虾饺唔整麻辣会好啲，佢系好香同好麻辣，但会因为太辣好多人食唔到…
乳猪见清盘咗几次，食到中间一点左右见无人再攻先食到… 原来真系好好食！唔怪得凑盘3次🤭
乳猪皮好脆卜卜，猪肉都好嫩滑，就算唔点酱都好够味，做得好好！
叉烧都淋同够肥，唔会太瘦食到好多渣…
仲有个莲藕素肉饼，好爽口好食，但味道普通
叫左份煎鸭肝，好滑好香，估唔到配个薯仔pancake 又唔错，唔会好济，都几好食
烧牛肉同烧猪肉都可以，猪好食过牛，好多汁好滑！
西式热食试咗青咖哩鸡，菜（唔太新鲜） 煎鱼（好干无乜味好淡）
最后到甜品
一次试晒！
日式菠萝唔知咩mouse 好好食！encore 左！中间旧mouse 唔会好甜，几清新，加埋下面啲煮过啲菠萝甜甜地好啱夏天！
焦糖香橙mouse 都唔错好滑唔会太甜
无花果批👍🏻 好食！ 有少似苹果批咁，但无花果好香唔太甜
朱古力泡芙，普通…
最出名嘅红丝绒蛋糕，好吃！ 一如以往，蛋糕松软，甜度唔会好抢，话明招牌，无嘢好挑剔…
朱古力榛子挞，好好食！ 黑朱古力，唔会甜仲有甘香苦涩味，榛子好香！
马卡龙，甜到癫… 但脆嘅
整体嚟讲食物质素满意，唔到惊为天人一定奋试，但对得住$490 呢个价钱同四季…
有几样要弹就系水果同蔬菜… 完全系放弃态度… 食咗件蜜瓜，哈密瓜… 都系唔新鲜，中间系坏咗果种淋… 士多啤梨亦普通货色… （百佳20蚊盒） 蔬菜有如大快活伴碟果啲… 又淡又唔新鲜，个椰菜花仲有少少黑… 大快活出现好正常，但四季出现就讲不过去😓
同埋无乜边样食物系回本位可以主攻，我觉得cold cut 甜品可以嘅，话晒质素都唔错
款色真心唔系多，如果贪心想乜都试就可以去其他更好… 但如果志在同朋友食饭，有个舒服环境，呢度系唔错… $490 加一，算正常，唔会好抵但亦唔贵
张贴
