點點心 (已結業)

会计小姐口痕想食点心，所以就孖小肥一齐喺公司附近间「点点心」度食晏。闲日午饭时间，餐店已坐满客人，两口子入座后先发现原来仲有楼上雅座，不过眼见店内人多，茶餐厅格局又冇乜好影，所以就费事四周拍照，以免影响其他客人。餐店只有一页自选餐单纸，落单简易快捷。单点项目除咗精选点心之外，亦有几款饭面提供，二人就好随意地点咗四个点心黎分。赛螃蟹翡翠菜苗饺（$24）：菜苗饺一客有三只，饺皮烟韧柔软，赛螃蟹翡翠菜苗馅料鲜嫩香脆，极之可口。黑松露小笼包（$22）：小笼包皮层够薄，猪肉馅心软嫩甜润，入口时散发著微微o既松露香，不需点用醋汁调味，一啲都唔溜滞，如果可以再多少少汤汁就更加完美啦！蟹籽烧卖皇（$27）：如相所示，烧卖皇颜色鲜美吸睛，卖相超掂！烧卖皇不但有样睇，食落仲爽脆鲜美，可谓有姿势有实际！脆皮鲜虾肠（$29）：虾肠中间夹咗层又薄又松化o既脆网，配合埋软滑o既肠粉同爽口o既鲜虾肉，口感丰盛又滋味，！点心专门店「点点心」座位唔算好迫，服务生效率高，点心饭面选择虽不多，但味味新鲜热辣有水准，餐厅理念明显贵精不贵多，咁抵食XO仔当然系会再黎啦！食到中途，会计小姐见差不多枱枱人都点咗个外表超萌o既猪仔流