貴緣小鍋米線 (崇潔街) (已結業)

有跟开米线关注组既自然对红磡呢间米线小店唔陌生。汤底一共有5款，包括招牌酸辣汤、秘制麻辣汤、新鲜蕃茄汤、猪骨鲜浓汤同埋青花椒麻浓汤；面可以拣米线、红薯粉或者米粉，配菜同小食都有好多款。𖦹 酸辣小锅米线 多酸多芽小辣 ＄87汤底有炸酱、芽菜、酸菜、韭菜，酸味突出，但小辣对我黎讲无咩辣味，下次会食中辣，米线偏粗身，加上劲多爽口既芽菜，𩠌嘅份量非常慷慨！猪软骨咬落去Q弹，有好多软骨位同骨胶原；卤水大肠入味软腍，厚身既冬菇皇啖啖肉，螺旋藻几有咬口，萝卜鲜甜无渣，吸汤一流。𖦹 皮蛋豆腐 $24嫩豆腐非常滑溜，加上皮蛋碎粒、蒜味辣汁好开胃。