Five To One

营业中

休息中

路经呢间餐厅，里面看来几舒服，以白色为主调，有张好大嘅原木长枱，还布置了🎄。啱啱有位，于是入去试试。就到午膳时间，冇set lunch menu，全部单点。上网睇相，见蒜蓉牛油虎虾肉及北海道帆立贝配牛角包($128)好吸引，加个蜂巢脆饼蜂蜜鲜奶($42)，咁就盛惠$170，都几贵。牛角包送到，份量同网上张相有啲距离，不过就真系好好味。个包烘热咗好松化，虾肉同帆立贝质感几爽，加上酸酸甜甜嘅酱料，好开胃。沙律菜唔算好新鲜，但系用咗柚子醋，同虎虾帆立贝牛角包嘅味道好衬。蜂蜜鲜奶甜甜地，加埋脆脆嘅蜂巢脆饼，喺呢种稍凉嘅天气下饮呢杯热饮好满足。