影片
更多
2017-07-08
514 浏览
见到呢间评价好似几好，去到食完先知大伏。嗌左两样野食，一样系乡村炸鸡，一样系chilbee noodle。先讲个面食，我俾十蚊去买个合味道咖喱海鲜味杯面都仲好食过呢堆价值接近70蚊嘅所谓韩式拉面。嗌得都预左系即食面质素，但喂呀哥，你个汤底仲衰过普通鸡汤味，一味得个辣字，饮落就好似含完啖辣椒粉加水咁，即食面都起码有啲味精味啊，乜都无都唔知个汤底系点整出黎。再讲啲料，俾左成70蚊食碗难食嘅即食面，大佬配料得两块无味嘅午餐肉？个两块午餐肉加埋都唔够我手掌心咁大，厚又唔系厚，我去超市买罐荷美尔都系30蚊有找咋，成本高涨都咁嘅地步？70蚊食两块细size午餐肉加难食即食面，唔打上黎发泄下都对唔住我自己。以为碗即食面已经最差？我都想。重头戏炸鸡黎啦。一上到枱已经深知不妙，见到成碟野毫无香味可言，每件鸡都深色都睇唔到颜色咁剂，就知道一定炸到过哂火，唯有寄望味道撘救。一食落果然如我所料，啲肉质仲嚡过旧well done牛扒，味道就更加系世界级难食嘅水准，一啲层次都无，食落就只得一股死咸味，完全食唔出有其他调味料嘅味，食黎食去都得盐味（系啊阵咸味仲要衰到连酱油味都无），分分钟连腌个时都只系落左盐，咁你不
嗌左两样野食，一样系乡村炸鸡，一样系chilbee noodle。先讲个面食，我俾十蚊去买个合味道咖喱海鲜味杯面都仲好食过呢堆价值接近70蚊嘅所谓韩式拉面。嗌得都预左系即食面质素，但喂呀哥，你个汤底仲衰过普通鸡汤味，一味得个辣字，饮落就好似含完啖辣椒粉加水咁，即食面都起码有啲味精味啊，乜都无都唔知个汤底系点整出黎。再讲啲料，俾左成70蚊食碗难食嘅即食面，大佬配料得两块无味嘅午餐肉？个两块午餐肉加埋都唔够我手掌心咁大，厚又唔系厚，我去超市买罐荷美尔都系30蚊有找咋，成本高涨都咁嘅地步？70蚊食两块细size午餐肉加难食即食面，唔打上黎发泄下都对唔住我自己。
以为碗即食面已经最差？我都想。重头戏炸鸡黎啦。一上到枱已经深知不妙，见到成碟野毫无香味可言，每件鸡都深色都睇唔到颜色咁剂，就知道一定炸到过哂火，唯有寄望味道撘救。一食落果然如我所料，啲肉质仲嚡过旧well done牛扒，味道就更加系世界级难食嘅水准，一啲层次都无，食落就只得一股死咸味，完全食唔出有其他调味料嘅味，食黎食去都得盐味（系啊阵咸味仲要衰到连酱油味都无），分分钟连腌个时都只系落左盐，咁你不如叫盐味炸鸡算数啦，叫咩乡村烤鸡，仲要差唔多成170蚊一碟，件数虽然可以接受但肉其实并唔多，而即使食到落肚嘅都并唔系鸡肉，而系一堆我嘅愤怒同无助，咁搞法我俾50蚊去食个kfc餐都仲滋味过呢间所谓韩国人开嘅正宗炸鸡。
以为食物已经系最大问题？少年你太年轻了。成间餐厅唔系特别大，有两个人serve虽称不上绰绰有余但都足够，而我食嘅时候只得3,4枱客所以绝对唔会构成分身乏术嘅情况出现。有趣嘅系，个两个人感觉上就好似处于另一个空间咁，同正常人嘅时空永远有段距离。厨师第一次煮完碗面摆出传菜区，咁我地睇到碗面之后(个时已经唔知摆左几耐)都准备好食物嘅来临。点知见到个waiter毫不知情咁系门口行黎行去，好似同厨房个边完全零沟通咁，你有你做我有我做，咁都算，我谂住叫佢攞碗面俾我食啦，点知叫左一次，两次，三次，四五六次仲要不断提高声线都无反应，碗面就摆左系度唔知几耐摊冻哂，几好食都俾你搞到难食啦(再加上本身已经难食)。好啦去到埋单个时，食完一餐咁嘅晚餐已经嬲嬲地，谂住俾完钱快啲走，点知叫佢收钱仲难过叫佢俾野我地食，一个waiter挂住睇电视，另一个又系企系门口唔知系度发呆定赶客，又要叫足差唔多分几钟先有回应，有野忙紧就话姐，喂呀哥而家你无野做，俾钱你赚都唔要，仲学人开餐厅？睇电视就反屋企啦！
总括而言，食物零分，态度负分，简直系我近5年黎食过最难食又唔抵食嘅餐厅。
张贴