十二味貴陽牛肉粉 (已結業)

今日同老友鬼鬼安排完佢结婚既事之后，我地就经过左附近呢间十二味贵阳牛肉粉，天气又冻冻地咁不如就食碗热送辣辣既贵阳面暖暖胃 虽然店铺小小但环境都好骨子好干净，亦有花心意去装修，餐厅既墙上面仲用左三只牛仔黎做装饰 铺头系用先到柜台点餐既形式黎黎运作，系柜台后面就有一大张既餐牌 我同老友鬼鬼就点左餐厅既招牌菜全家福牛肉粉，牛肉粉相当足料大大碗，用左牛既唔同位置黎煮有：牛跟、牛肚、牛腩，牛展，仲有唔同既配料：酸菜，卤豆腐，卤蛋，第一口饮落去啖汤超浓一阵阵牛香仲有带点花椒八角既香味但又唔会太抢味，而且汤浓得黎唔会带有牛苏味，再夹d牛黎试下，牛跟唔同平时食起黎个d炆到林patpat既牛跟，食起黎系有赵口既，牛肚就最浓牛味一放入口未食牛味都已经散左出黎，牛展就煮得刚刚好一d都唔un,而我最成碗面最欣赏就系d牛腩，佢系用左d特别既料去炆一炆左佢先，食落有牛腩香得黎仲带小小甜味，而且佢唔系肥牛腩但一d都唔柴皮，卤豆腐大大件卤得好入味，一啖面再食d酸菜配料正呀，汤底又够晒浓 之后我仲发现台上面有一樽调味料，咁就放小小试下，一试有惊喜，原来系d麻辣粉，