Lady M

营业中

休息中

屋企人生日，佢地话想试下lady m，因为好似好出名。咁最后去左沙田个间分店，要排队，排左30分钟有多，比预期快左。咁排队个阵就要谂定食乜，然后一有得坐就可以叫。咁佢d cake嘅卖相都相当吸引，好似好高贵好high class。而选择都算几多同埋款式系几特别。咁睇完餐牌，我地就叫左个朱古力彩虹蛋糕、玫瑰千层蛋糕、法式士多啤梨千层酥、红丝绒蛋糕加三杯cappuccino。朱古力彩虹蛋糕层次分明，味道适中，但同普通朱古力蛋糕差唔多，咁嘅价钱应该可以做好d。士多啤梨千层酥味道不错。玫瑰千层蛋糕应该系最出名，味道好fresh，几特别，但$75得好细件cake，唔太抵食。红丝绒蛋糕卖相就几吸引。但用嘅餐具系即弃。