影片
更多
2017-10-29
1388 浏览
其实自己都奇怪，台湾好出名食日式烤肉，但除左一次出差食过，就冇特别想食的意欲。直至台湾著名烤肉店「橘焱胡同烧肉夜食」落户香港尖沙咀，又引起我注意。要去食都唔容易，慕名而去的人多，但地方有限，所以最起码要早两星期订位。听电话的多数都系台湾人，所以最好练定d普通话XD由于店内多数系4-6人枱，所以人少的话，即使你有订位，都只可以坐bar枱。不过千祈唔好失望，因为除左可以望住店员烧嘢，以我观察所得，反而坐bar枱必定系由店员帮你烧嘢，坐一般席有时就要自己烧，眼见有枱自己烧㶶晒食物，要退返畀厨房。炉方面，bar枱系用炭炉（唔知点解可以室内烧炭），相反一般席系普通煤气炉，风味应该差好远。点好菜，侍应会先送上柠檬汁、葱同洋葱粒，用作调味之用，味道比点豉油清新好多，冇咁浓味同消腻。食烤肉点可以唔叫牛舌？佢有提供粒状的角切，但我比较喜欢食薄的盐葱牛舌（$98），起码唔会难咬。店员帮我烧到5成熟，虽然都算爽口，但略嫌调味轻手左d，要靠柠檬汁带起鲜味。牛五花（$168）有两种口味选，有椒盐同我呢款烤肉酱，烤肉酱同牛肉好夹味，牛肉烤到刚刚熟，质感软腍到好似咬棉花糖咁，入口即溶，牛魔王必点。仲有一样必吃，就系
要去食都唔容易，慕名而去的人多，但地方有限，所以最起码要早两星期订位。听电话的多数都系台湾人，所以最好练定d普通话XD
由于店内多数系4-6人枱，所以人少的话，即使你有订位，都只可以坐bar枱。不过千祈唔好失望，因为除左可以望住店员烧嘢，以我观察所得，反而坐bar枱必定系由店员帮你烧嘢，坐一般席有时就要自己烧，眼见有枱自己烧㶶晒食物，要退返畀厨房。炉方面，bar枱系用炭炉（唔知点解可以室内烧炭），相反一般席系普通煤气炉，风味应该差好远。
点好菜，侍应会先送上柠檬汁、葱同洋葱粒，用作调味之用，味道比点豉油清新好多，冇咁浓味同消腻。
食烤肉点可以唔叫牛舌？佢有提供粒状的角切，但我比较喜欢食薄的盐葱牛舌（$98），起码唔会难咬。店员帮我烧到5成熟，虽然都算爽口，但略嫌调味轻手左d，要靠柠檬汁带起鲜味。
牛五花（$168）有两种口味选，有椒盐同我呢款烤肉酱，烤肉酱同牛肉好夹味，牛肉烤到刚刚熟，质感软腍到好似咬棉花糖咁，入口即溶，牛魔王必点。
仲有一样必吃，就系奶油去骨鸡腿肉（$80），店员烧的时候会蘸上溶左嘅牛油一齐烧，令鸡肉香到不得了，仲带点蒜蓉香，面头仲烧得脆脆地，如果有quota，一定会encore多碟。
我知好多人都会点墨鱼香肠（$100），又跟住试试。得10小粒卖咁贵都觉得夸张，但食落又真系值，外面烧到微脆，里面有好浓郁的墨鱼香，仲清楚咬到墨鱼粒，好爽口弹牙，非常好食。
最后以椒盐鸡软骨（$80）作结，呢道算系最平凡冇咩特别菜式，纯粹想咬下爽口嘢嘅不妨一叫，调味系足的，满口咸香。
食烤肉唔饮酒有点过不去，点左杯荔枝柳橙调酒（$55），酒味唔浓，橙味比较盖过荔枝味，酸酸地几开胃，啱女仔胃口。
另外想讲下呢度特色：
1. 限时两个钟。
2. 烤肉店始终烟味比较强，所以店方设有locker畀大家放置物品，算系细心。
3. 因为人手严重不足，每个店员都要兼顾落单、上菜、烧嘢食，甚至调埋酒，所以虽然系由店员帮你烧肉，但一个烧左，放低个夹行开左，第二个经过又会帮你反下d肉，反左冇耐第三个又经过再反下d肉，如是者，一碟肉可以系由4-5个店员合作烧成，都几搞笑。店长仲型，本来谂住帮个客放蛋糕入雪柜，但佢经过d炉又忍唔住出手，于是就一手捧住蛋糕，另一只手就烧嘢食，我忍唔住笑，佢望到，又chok住边笑边烧，好有误乐性。
张贴
