影片
更多
2010-11-21
44 浏览
钟意hotpot o既我又周围试新野,有人话lei间好好食,咪试下啰...本来想等到九点半后食呢就有6折,不过太夜喇,唔想系条街度等...见佢有位咪照入食正人价啰..如果真系好食,正价都冇所谓..但系...点不知呢....我地3个人...o个度有楼下同楼上,楼下爆晒...我地就坐楼下啦,楼底超矮,好焗,唔知点解劲大孜然味...可能有人食羊挂...我地个位都衰衰地,不过唔谂住坐得耐咪算啰....汤底要皮蛋苋茜算,便便地,因为成d野食真系几贵...叫左佢d招牌手切牛肉...仲有其他....招牌手切牛肉,黎到见到都几靓,都百几蚊碟..开头食落有少少怪但又冇乜理...食到最后,另外两位开始讲,"觉唔觉碟牛有d压味?", 我地三个原来都有同一感觉...不过又唔系好劲...但真系有阵"压味",真系好奇怪..未试过食牛肉会食到有lei种味,最多都系"骚",食唔靓o既猪先会有"压味"...但我地食到last先出声都冇谓换喇...加拿大肥牛,好薄架...冇乜牛味...好普通又好贵咁啰甘香牛柳粒,lei个叫正常喇,都算几好味,有牛味,都够林,唔会好韧,ok云吞拼鱼皮饺,lei个真系要弹...冇味架,两样野
我地3个人...o个度有楼下同楼上,楼下爆晒...我地就坐楼下啦,楼底超矮,好焗,唔知点解劲大孜然味...可能有人食羊挂...我地个位都衰衰地,不过唔谂住坐得耐咪算啰....汤底要皮蛋苋茜算,便便地,因为成d野食真系几贵...叫左佢d招牌手切牛肉...仲有其他....
招牌手切牛肉,黎到见到都几靓,都百几蚊碟..开头食落有少少怪但又冇乜理...食到最后,另外两位开始讲,"觉唔觉碟牛有d压味?", 我地三个原来都有同一感觉...不过又唔系好劲...但真系有阵"压味",真系好奇怪..未试过食牛肉会食到有lei种味,最多都系"骚",食唔靓o既猪先会有"压味"...但我地食到last先出声都冇谓换喇...
加拿大肥牛,好薄架...冇乜牛味...好普通又好贵咁啰
甘香牛柳粒,lei个叫正常喇,都算几好味,有牛味,都够林,唔会好韧,ok
云吞拼鱼皮饺,lei个真系要弹...冇味架,两样野都冇黎味道,云吞好细粒,冇乜料,而家鱼皮饺算系大粒,但冇味...得d肉...差~
芝士虾丸拼象拔蛘丸,个芝士虾丸呢就好爽口,都几好味又大粒,而个象拔蛘丸呢就麻麻地,系大粒弹牙咁,好贵...80蚊
菠菜面,冇味...又幼又林....真系叫错野~
食完个感觉好差...我想讲,d waiter都好串嘴,态度麻麻...又贵到死...之前d人买ubuyibuy o既coupon去食就可能底..但我地食正价呢...真系十万个唔值...唔会再黎,三条友...食左750蚊...唉~
张贴
