G Room Bar & Lounge

营业中

休息中

星期六来到k11家间餐厅都爆，上网见到呢间嘢新开谂住入嚟试下，因为佢个位置都比较偏僻，唔容易揾到，人就少啲 。成间餐厅一眼睇晒，唔系好多张枱，因为冇窗嘅关系，所以用咗萤幕装饰。环境真系好靓座位算舒适 。因为空间细，只系安排咗一位服务生，同埋门口嘅知客。基本上全程只系该位服务生服务所有，人所以想点菜嘅话都要等等。叫咗几样嘢，味道大部分都唔错。问题系收费实在太贵。118蚊嘅铁板蚬肉竟然系用喺萨莉亚食蚬肉意粉嘅蚬，手指尾咁大一粒，全碟没有十粒，个汁用巴拿马火腿糖蒜片整，好香但系入唔到啲蚬肉，蚬肉没有鲜味，好硬好柴。其实一般人食到呢样，应该都会即刻blacklist间餐厅，相片与实物不相符。西班牙烧乳猪就好油,同埋块皮用刀切开刀要用力,即系唔脆呀,好韧。肉嘅味道系好嘅因为腌得唔错。但问题系你唔会畀300蚊食块唔脆嘅乳猪 。顺带一提，卫生要改善下，只碟好油，唔应该系呢个level嘅餐厅出现。埋单$63x有更好嘅选择。