Pop n’ Grill (已結業)

四个人见好耐冇去烧嘢食噉就去试吓呢间地点都算方便嘅有烧烤嘅餐厅。入座过程同环境都好好。坐低咗就同朋友研究吓个餐牌，拣两个二人餐定一个四至六人餐（因为见佢嘅份量好似好少），最后都决定拣咗两个二人餐（肉类加海鲜 - 因为四至六人餐冇海鲜），再加咗一份普通鱼蛋，一份墨西丸同一只土匪猪手。饮品就冇拣任饮，因为包嘅都系得平价嘢，要饮到五杯先番本！两个餐嚟到后，都有啲无言，份量真心少，望住两条鸡尾肠真系O晒嘴… 根本成盘嘢一个人（男士）都食得晒，但要收$298（星期六日公众假期要$398）。海鲜餐方面带子就系五蚊银咁大咁厚，章鱼就得薯片咁大片… 菠萝系酸嘅（呢期酸菠萝都几难买架㖞），眼见最贵就系龙虾尾，蚝同大虾，但噉就要$498（星期六日公众假期仲要$638）。加多份鱼蛋，$18，墨鱼丸就$38。未计嘢饮都$852，噉嘅价钱，真心可以食到比较合理嘅好嘢！每个人驶咗$300，我真系唔介绍俾多啲，但食好啲同份量合理啰。失望… 唔会再去喇！