蟹麵館 (已結業)

因为黎过几次呢边见客，行经闻到超级香，今日又经过就同朋友谂住食小小野打打底先饮野。地方唔算好大，长方形，装修简单，似茶餐厅既格局，始终系中环区，外国游客都唔少，坐我地左边系讲英文，右边系讲普通话。我地两个人share左个蟹肉干烧伊面，跟上汤一碗，另叫左个蟹肉炸云。首先价格真系好中环价，个干烧伊面128，上枱我以为佢送错，因为我睇唔到有蟹肉！我以为𠮶小小既系瘦肉，整体黎讲蟹肉系少得可怜不过就收你128,咁既价钱我俾多一倍都好，去holy crab食占对龙虾意粉啦，大大只龙虾钳啖啖肉唔好？！不过个味道都叫ok 既，但个香味一定唔系来自𠮶小小蟹肉。反而跟餐既汤就好鲜，饮到有蟹味，唔错。蟹肉炸云吞其实都唔系全蟹肉，入面有粒虾同猪肉，我明要有d猪肉调返起个味先好食，虽然味道唔错，但同样地蟹肉既份量真系好少，我完全食唔岀呢个叫蟹肉炸云吞！反之最好食系个自家制菜脯，够辣够惹味，我地食左好多。总括而言，试过一次就够，唔系话唔好食，不过呢个价钱有好多选择