穴の酒販 (將軍澳中心)

营业中

休息中

突然间老婆话要食好野，将军澳其实无咩 好野食。最近将军澳中心返新重开就多左好多食肆，其中一呢间重外面望入去感觉好 Grand! 于是入去试一试。餐牌选择都有唔少，由刺身，寿司，串烧，和牛，烧鱼，海鲜，锅饭，乌冬等等，应有尽有。另外最多就系清酒。装修比较豪华。寿司吧内有超过10个师傅，好似好忙咁，场面都几壮观。食物方面，我们点了几串串烧，因为唔平，一串烧鸡皮$38，有四五小块，鸡肾都系好细粒，试完唔敢再叫，食30串都唔会饱但要成千蚊。个唔知咩肠$68，来到吓左一跳，约系一条厨师肠大细砌开4粒，加只蛋，咁就$68🤦🏻‍♂️，另外叫左条烧鱼，侍应推介，$188 就试一试啦，哗，细过条秋刀鱼😳 个烧螺算系最出色，又价钱最合理，$160，烧得刚好熟而且好鲜味，天妇罗虾还好，唔够饱唯有叫多个牛肉乌冬。$120一个乌冬唔算过分不过就唔可以用咁低级嘅肥牛啰😒。总结，性价比完全不值。