Häagen-Dazs

营业中

休息中

以前细个觉得哈根大师好好食，因为当时冇咩雪糕店，佢可以话系一市独大，但售价比较贵所以好少食。 往往都系等买一送一先会帮衬，今次就系优惠最后一日路过分店所以买喇。八达通优惠价 $65有四球，唔知点解完全唔觉优惠左，我心目中佢其实就系值咁多。拣左夏威夷果仁、蓝莓、绿茶同朱古力味，夏威夷果仁味起码一半系大大粒果仁，雪糕就系轻微蜜糖味既云尼拿雪糕。 试左几款杂莓味都有果肉，最后拣左有原粒糖蓝莓既浅紫色蓝莓味，可惜连埋其他雪糕一齐食会显得味道单调，唔够甜又唔够酸，两头唔到岸咁。绿茶味都算浓，但始终Cha Cha更胜一筹；朱古力味就满布朱古力片好有口感。  整体雪糕味道同质感平平无奇，胜在足料啖啖果仁/果肉/朱古力片，未有引起感动一瞬。半价个时唔洗排队先会帮衬。