漢堡王 (已結業)

8月7日, 由于有买一送一优惠, 今日又系最后一日, 钟意食汉堡包嘅我地又点会放过呢个机会呢~ 不过黎到先知恐怖, 超长嘅人龙! 平时炮台山BK系无人兼超舒服的! 完全冇谂过会有咁多人, 连坐都要等位, 我地唯有买番屋企食… 排咗30分钟先到我地, 买野时间又混乱又嘈, 可以用行年宵黎形容…::: 华堡餐 ::: $40一定要买呢个先有买一送一优惠. 个包真系好大, 连带块汉堡扒都大块咗~ 块汉堡鲜味好似唔系好够, 蕃茄都算新鲜, 整体还过得去~ 套餐转跟洋葱圈, 觉得好食过薯条, 但系都系炸粉多, 当然唔可以同新鲜即炸嘅比较~ 不过而家觉得whopper个味同mcdondon至尊汉堡有d似...::: 双层蘑菇芝士汉堡餐 :::呢个我较钟意食, 芝士味丰富, 蘑菇亦好夹个包, 2块汉堡扒直情啖啖肉, 十分满足! 反而呢个食到比较多嘅肉味, 可能华堡比d蔬菜味盖住咗.虽然真系大排长龙, 不过$20一个餐真系平过 mc记, 好抵食呀! 下次再有买一送一就一定再帮衬!~