園林閣咖啡室

营业中

休息中

终于打通电话订到园林阁自助晚餐，佢哋做紧买一送一优惠，真系好吸引果然𠮶晚去到好热闹。一去到已经立即开动，一开始我梗系食海鲜啦，大大只蚝好肥美，师父不停添加冇停手， 蟹脚唔太咸 ，有海水味，冻虾系我嘅最爱，一口气食咗好多只。鱼生冇雪味够弹牙。转 攻现场厨房天妇罗师傅密密炸，仍然好好笑容问你想要乜啲食物都好新鲜冇油味，除咗有炸虾之外，仲有炸蚝热辣辣好香口，佢哋炸咗好多蔬果，有南瓜、茄子同青椒，最特别有炸金菇，所以不至于太油肥腻。串烧有鱼牛鸡鱼，师傅密密煎，我密密食到咗我最爱嘅片皮鸭时间，师傅会好细心问你有冇特别要求，鸭肉辣辣、鸭皮香喷喷，自己仲可以无限量加葱同酱汁。呢度饮品唔需要收费，除左橙汁同金桔汁外，仲有经典支装汽水。雪糕甜品选择亦多，件件细细件，一啖一口，我可以试晒所有款式。二百几蚊可以一班人开开心心，我哋成班朋友都觉得物超所值。