不要對我尖叫，日常茶間， (達利商業大廈) (已結業)

近期旺角分店有买一送一优惠，咁啱同朋友出开旺角，所以去咗「不要对我尖叫」嘅旺角分店买嘢饮。之前冇试过呢间店舖嘅茶饮，去到店舖，见到有好多唔同款式嘅饮品，包括气泡茶系列、可可牛奶系列、水果茶系列、鲜奶茶系列、咖啡系列。冰量可以选择半冰、微冰、去冰，甜度亦可选择半糖、微糖、无糖。杯有两个size，M同L。我哋买咗两杯热销推荐嘅玫瑰鲜奶茶，冰量要微冰、甜度要微糖。另外我哋仲买咗两杯热销推荐嘅提拉米苏鲜奶茶，微冰、微糖。玫瑰鲜奶茶 M $34玫瑰味唔会太浓，但配鲜奶茶味道一般。提拉米苏鲜奶茶 M $38奶茶上面有一层提拉米苏奶盖，店员建议打开杯盖先饮奶盖，提拉米苏奶盖味道唔错，但微甜。