雞霸王 (已結業)

见到铺头里面写台式茶饮买一送一，觉得都抵，于是选咗芝士奶盖四季春试下，由于呢个选择系本身嘅四季春再加$8去加奶盖，所以佢会同你讲如果第二杯都要买个话要另外俾$8，姐系唔系原本优惠所讲嘅相同茶饮买一送一啦，极度取巧啰。畀多少少钱都唔紧要喇，点知味道劲差，所谓嘅奶盖连奶味都冇，更加无芝士味，好失望，连奶泡都叫唔上，得手指公打横咁少咁薄，而且好希，茶底亦都茶味唔浓，呢个商场另一边已经有赏茶、一芳，真系冇乜必要特登行过嚟。之所以点解我唔拣有珍嘅饮，系因为三点几嘅黄金时间佢居然同我讲暂时未有珍珠，即系超过九成嘅嘢饮都唔使叫啦🙄🙄呢边嘅台式饮品𠮶部分系由餐厅嘅厨房隔一个窗仔嚟买嘅，我都系建议大家如果要饮台式饮品去番专卖嘅饮品店会比较好啰，呢度就真系唔推荐，宁愿要一杯好饮嘅都开心过要两杯唔好饮嘅啰。