Day and Nite by Master Kama (已結業)

同friend行旺角经过呢间餐厅，见评价唔错就决定食呢间。平日既七点左右到，唔洗等位就可以入去。呢间系楼上铺，我地上左一楼坐。餐厅既装修好靓好似平日打卡既cafe，亦播住轻松既歌，亦有浓浓既龙虾味飘著。我地点左龙虾包，龙虾玉子烧同埋两杯饮品。而果日龙虾包正做买一送一既优惠，感觉上更抵食。野食都算快送到。好靓既饮品 以为得个样靓但系味道都唔错沙冰饮落似系波子汽水味。胜在够大杯！紫色果层冇咩味，所以要搅混饮先饮。味道同平时饮既荔枝茶差唔多。玉子甜甜地加埋沙律酱好夹，而且里面有唔少鲜甜既龙虾肉，丰富既口感。好钟意呢个玉子烧既配搭。龙虾包配薯条同柠檬和酱汁龙虾包外脆内软，里面有沙律酱同龙虾肉。加上柠檬汁后味道更好。而薯条可以点酱汁食，但系酱汁味道非常淡仔细食才有小小酸甜味。