犇殿台灣火鍋 (青衣城1)

营业中

休息中

吃到饱・90分钟放题套餐：美国尚品黑毛雪花牛（$388）星期一至四晚市时段，惠顾此套餐，只需带多一位朋友同行，会员即可享免费优惠。（加一加原价，折实 $465.6，除开每人$232.8）汤底有八款可以拣，要咗药膳红烧牛骨锅，味道浓，药膳味唔出。有四款牛肉可以任食・美国尚品黑毛雪花牛，四款牛呢款最好食，有牛味，食落嫩，唔多肥膏。・澳洲特选牛肉，都有牛味，但比较多肥位。・美国牛板腱，有肉味，但偏嚡。・上选安格斯牛肉，肉味唔多。除咗牛肉，仲有猪羊鸡，海鲜有鲷鱼片、虾、蚬、墨鱼仔，呢啲系用QR code落单。试过几款都系普普通通，而且主要都系以食牛为主，之后都无再叫。出面有自助火锅配料，都系一般嘅丸、菜、菇、面、等等。另外仲有一啲台式熟食，卤三宝、鸭血、台湾肠、等等。最后就系饮品及甜品，饮品选择唔多，得十零款；甜品有台式芋圆、凉粉、雪糕、雪条。