大灣咖啡廳

营业中

休息中

见到某apps 有优惠，贪小便宜嘅我，梗系唔放过佢。入座后行咗一圈睇吓有乜好嘢食，第一轮拣咗呢啲⋯⋯首先要讲sorry , 我哋呢啲麻甩佬，唔系几好意思揸住部手机系咁喺出面影啲食物，所以唔能够将所有食物呈现喺各位眼前，只影我食的🙏，蟹脚麻麻哋，其他过得去，蟹脚啲肉「了」出嚟，每只出得一半，好水下，食唔到好多肉，1round 够。刺身几好，虽然真系唔系好想食三文，但「佢」又几有诚意～厚切到呢，咁酒店呢啲肯定新鲜，所以唔多讲。跟著由左至右，羊䯃，牛肉，蒸鱼腩，牛舌。鱼～长时间蒸住，一定鞋，牛舌最好，其他二样普通。飞驒牛～一定要前图所有料加一片「牛」，放入热窝内，另上一只温泉蛋，味道过得去，纵使片牛肉好食，但如果要加埋咁多嘢，食多一碗都几「辛苦」。中场唔系休息，而系突然有人打「锣」，原来有嘢派，我刚经过，当然唔蚀扺～排，原来派炖汤。你哋睇吓几足料，呢个炖汤真系正，女友话唔要，我真系唔客气，啪晒二盅，竟然成晚啲嘢，呢盅炖汤至系波～正！最尾梗系甜品同生果，甜品系好多选择，但口感同味道我真系觉得一般，连雪糕都无惊喜。生果系得西瓜得，「西梅」真系差，又酸又烂。唔知系咪买一送一，啲选择同质素，差小小。