新麻蒲 BBQ (東港城) (已結業)

四个人系东港城揾食 见有买三送一嘅午市套餐，紧系入去试吓啦！无论叫咩 都会有小菜上，有泡菜、青瓜海带芽同埋大豆芽拌葱、沙律，不过食烧肉既话仲有埋炉边泡菜蛋！🍲牛排骨肉汤配白饭最推荐呢个！牛排骨肉质好软，肉味香浓，重点系有四五大旧！牛骨汤都好浓郁，又唔会太油腻，汤入面仲有韩国粉丝！🥩特级午市套餐+ 牛/猪肉套餐张图系conbime咗两份，份量都够四个女仔食！护心肉好有口感；五花肉嘅大小适中，入口唔会太油腻；牛肋排腌得非常入味，就咁食已经好够味；霜降牛肉口感软滑。另外强烈建议必食嘅系，套餐入面嘅冬菇金菇鸡髀菇，新手烧可以加啲枱上嘅芝麻油，令佢无咁易烧㶶！另外跟烧肉套餐既饭系紫菜饭，建议食法系生菜包肉、一啖饭、拌葱咁食！🍜冷面冷面份量好多，建议大家要加芥末同醋，冷面先更浓味，而且酸酸的冷面可以解腻，烤肉一齐食好夹。烤猪肉调味偏甜，果然厨房烧好嘅好食啲🤣🥤覆盆子红醋汽水+蓝天柠檬汽水叫咗少甜就岩岩好 两样都酸酸甜甜可以解腻