金鶴拉麵 (和富道) (已結業)

呢间拉面店最出名嘅系鸡汤拉面。之前都试过味道唔错，唔会好似猪骨汤咁油腻， 今次见到佢外卖做一百蚊七折，谂住一试佢啲日本丼饭，但后来发觉原来丼饭唔做七折，有啲失望，但系试过之后都觉得性价比高。我叫咗一个猪肉碎丼饭再加一个照烧鸡扒丼饭，另外再叫咗两串串烧，包括明太子鸡翼及黑豚肉。一个丼饭价值58蚊，另外每串串烧24蚊。 个猪肉饭咸咸地甜甜地非常开胃， 屋企人食咗个鸡扒饭个质感都几滑唔会嚡口，味道几日式。 明太子鸡翼辣辣地，略为烧得㶶咗少少。 黑豚猪肉又唔系算好特别用咗啲甜甜嘅酱汁对比起明太子鸡翼好似抵食啲。 不过总括嚟讲58蚊个饭再加七折嘅串烧，味道几好算系几抵食。下次一定要叫返佢个鸡汤拉面，因为咁样先有七折，感觉更加抵食。