閨•家 (西九龍中心) (已結業)

同老公去西九龙中心买嘢，行咗一轮觉得肚饿，醒起三楼有间闺.家，主打手工面及猪扒饭，凭著家常菜味道，深受食客欢迎，谂住去食返餐，去到餐厅门口，见到长长的人龙排队等位，可见餐厅真的好受欢迎，我和老公都行到攰，唯一想快啲就系买外卖回家食。每款饭都送无味精足料老火汤，味道清甜好饮。招牌猪扒饭：每块猪扒都用人手揼松，用香茅、蒜、并用梨汁代替梳打粉腌制，大大块猪扒食落更加松软入味又健康。咖喱牛腩饭：咖喱有不辣至劲辣选择，用多种香料并加入椰浆和花奶调制而成，是自家制的咖喱，又香又好味，捞饭食一流！牛腩够林又入味，配料重有薯仔和红萝卜。铁板鸡翼炒出前一丁面：鸡翼煎得熟度啱啱好，香口嫩滑，面亦炒得够味。