閨•家 (美基樓) (已結業)

今日先发觉V city附近有间咁方便嘅外卖店。而家间间餐厅都话要安心出行，路过见呢间餐厅几多人排队，最特别系一间装修粉红色少女风的菜餐厅，仲要标榜无味精，所以就一试究竟。餐厅食物嘅种类唔算多，不过有时好嘢系贵精不贵多。我分别点左香煎莲藕饼猪扒饭、咖哩鸡饭和柱侯牛筋腩饭。三个饭都系大约$50一个，买既时候无留意，拎既时候先发觉仲包埋一碗汤。最令我惊喜系香煎莲藕饼猪扒饭，猪扒应该系香茅猪扒，我剪细咗比BB食，佢仲食到舔舔脷呢。莲藕饼系用切碎莲藕和半肥瘦免治猪肉制成，味道刚刚好。咖喱鸡饭有得拣辣度，因为我怕辣所以就拣咗唔辣，餐厅实系非常体贴。虽然唔辣不过都有好香嘅咖喱味，我用咖喱汁捞饭食，食晒成兜饭。至于鸡系俾咗成只鸡脾我﹐仲要啖啖肉。柱侯牛腩都OK，非常爽口，唔会过淋，萝卜清甜，整道菜清清地，唔油腻，几好味。最令我喜出望外嘅系送嘅汤。我初初以为系味精汤，饮落有淡淡的椰子味，最初以为系椰子，之后俾我发现系土茯苓瘦肉汤。送嘅汤竟然系老火汤仲要系用呢啲材料，$50一个饭真系物超所值，怪不得咁多人排队。