泰軒美食 (已結業)

我:一个生虾先呀唔该店:唔知佢有无听到，继续睇下食咩先啦，就咁睇餐牌好底㖞，唔知味道又如何我:头先个生虾有无落到？店:落咗啦我:青咖哩鸡饭，炒金边粉，加餐冬阴公。同埋我想问吓厕所响边？店:佢都系冇应到我机，直到我朋友起身企响佢面前问先答，佢仲要唔讲女厕原来要锁匙，搞到又要行返转头攞讲返嘢食先，生虾大只爽弹，酱汁唔辣，原本见到炸虾头好开心，可惜应该系一早炸定，所以唔热唔脆仲油淋淋套餐加13蚊就有碗冬阴公汤，啱哂胃口细又想食多几款嘅朋友。少少辣酸微微醒哂胃，味道几好，仲有虾同蘑菇。青咖喱饭够大份，节检嘅朋友叫一个套餐加个饭share汁捞饭。青咖喱味道都可以，少啲层次，茄子唔系用平时泰式餐厅见到嘅圆新茄子而系中式嘅茄子炒金边粉就出事，一上枱见湿粒粒就知势色唔对，食入口茄汁烩金边粉，豆干硬骨骨，味道唔够套餐价钱真系好底，质素就要睇返食边款啦，相信食多几次就知边样叫得边样唔好。同埋咁底，服务差啲都忍下啦。