月喬正宗越南湯粉 (柏樹街)

营业中

休息中

之前堂食过，觉得味道正正常常，咁当然冇其他食评写到咁惊为天人啦！今晚落大雨，途人唔多，落去买外卖自取，见到堂食位置都未坐满。收银𠮶位金色短发姨姨收完钱之后就直接话「出去等阵先，得𠮶阵就拎出黎比你」。出面大雨度有遮都湿，结果等左廿分钟都未有人出黎派外卖，结果我忍唔住入去问先见到个外卖原来一早得左，我问问番个金色短发姨姨点解唔出黎比外卖，佢净系讲左句「唔好意思」就走开左。金色短发姨姨呢啲咁既回应，对啲肚饿又等左好耐既食客而言，好值得我「破处」，将第一次写既食评留比你。无论堂食/外卖都要等咁耐，处理外卖手法令客人不快，味道又唔算系惊为天人既话，真系唔会再帮衬呢间餐厅！p.s.可能有人睇完呢篇野之后会觉得「系你自己蠢啫，等左10分钟就已经要入去追啦」，但系我对上一次堂食都等过15分钟。