新泰源茶餐廳

营业中

休息中

是日同朋友相约系火炭食饭，大家素来都喜爱大排档风味，所以就去左新泰源度食晚饭。我地叫左西柠鸡 (HKD 82)，粉丝什菜煲 (HKD 78)，沙爹金菇肥牛煲 (HKD 88)同埋椒盐豆腐 (HKD 58)。西柠鸡好大碟，几够酸味，鸡肉炸得唔错，系一碟非常好既开胃菜。肥牛煲热哄哄既，有好多肥牛同粉丝，非常香同惹味，而且仲有三色椒，正。椒盐豆腐好够蒜香味，不过略为咸左少少，但系分量唔少，仲可以点甜酸酱调下味。食得咁热气，梗系要番啲健康粉丝什菜煲黎平衡下。有生菜，菜心，菇，枝竹，非常足料。而家香港大排档买少见少，大家得闲就回味下呢啲香港特色。