上海三六九菜館

营业中

休息中

旧式上海菜馆执下一间执下一间，虽然衣家开咗好多新派嘅上海菜馆，好可惜都真系唔太啱我嘅胃口，我真心钟情于旧式上海舖。其实三六九真系好耐无帮衬，因为我自己觉得佢d野又唔系唔好食嘅，不过就真系唔算平，感觉上真系唔系好值，不过喺旧式上海菜馆买少见少嘅情况之下，唯有都要去食下啦。今次叫咗上海粗炒、砂锅云吞鸡、雪菜肉丝炒年糕、小笼包、锅贴、炒四季豆同埋豆沙锅饼，整体而言都比我想像中的要好，因为我记得呢间野d食物煮得好咸，同埋都重味精，而今次咁多样野入面，只有四季豆超咸，其余的都算ok，而咁多样野入面，我觉得佢嘅锅贴做得最好，因为坊间好多上海舖嘅锅贴，d皮都系劲厚，而且都系煎到㶶晒，好多时真系块底皮系完全食唔到嘅，但系三六九嘅锅贴，皮嘅厚度适中，而整体煎得啱啱好，有香味而又唔会好㶶，真系唔错，值得一赞！