泰和堂涼茶店

营业中

休息中

今日男朋友介绍咗呢一个凉茶舖俾我食，我食完就觉得，讲传统凉茶舖嘅话，你一定要食呢一间。呢间野睇嚟最出名就系个大补膏，有机会我都会试，不过今次我就试咗普通嘅热广东糖水。题外话，有机会嘅话一定要带外国朋友嚟呢个地道嘅凉茶舖试吓我哋嘅港式广东糖水呀。呢间野就唔系净止广东糖水嘅，仲有其他布甸啊西米露啊等等，但系我最钟爱嘅呢都系传统嘅糖水，喺香港来讲，呢一类糖水舖可以话买少见少啦。呢一个就系花生糊，盛惠$26 。一句讲晒，花生六，花生滑，花生香气四溢。而呢一个深色少少嘅就系合桃糊，27蚊，佢餐单就写话系补肾嘅，咁合桃呢其实系补脑，唔止系以形补形啦，其实佢都系Super food 其中之一。佢同样非常nutty ，且细滑。香港糖水舖好多，当然有啲非常别致嘅甜品店，但系呢一啲甜品店嘅价位高。相比下，偶尔食呢一类热辣辣嘅糖水，在我个人来讲，性价比极高，当然亦都好好味啦，而且相对健康好多添。畀分时间：8.5/10。