一鍋豐 (已結業)

本人系小米嘅超级粉丝，每当佢哋有新产品推出的时候，我都会第一时间去朝拜。早两日佢有部新机推出，我就第一时间拉埋同事收工一齐去欣赏下部新机，最后都系忍唔住手要去排队入货。买完心头好，为了表示答谢同事山长水远陪我到旺角创兴广场，就请同事到创兴广场18楼嘅〈一锅丰〉海鲜火锅店食餐劲嘅。呢间舖地方都几大，座位都坐得颇舒服。我哋一坐低就点咗一个鸳鸯火锅汤底同埋佢哋全新嘅推介，原只龙虾刺身火锅套餐。呢个套餐特色就系全场红酒白酒啤酒汽水雪糕任饮任食，又特别送多一份五款嘅海鲜拼盘，只龙虾刺身真系好新鲜好弹牙爽口，又有几款刺身可以任点，简直冇得弹。最特别，系有我至爱，鸡子。普通地方好少有得食，不过，记住要渌耐啲先好食。入口似食豆腐，但系佢嘅鲜味甘香，系无嘢可以代替。跟住再点埋其他火锅料，啲料款式又多又新鲜。最后我哋任饮任食两个半钟头后，都捧住个肚埋单走人。我哋一致认同下次一定会再来。