鱈卵屋 (已結業)

铜锣湾开左间专食明太子既鳕卵屋，除左全部菜色都有明太子做base之外，仲有d明太子产品可以买返屋企，上次系福冈带返黎既明太子酱已经食晒，今次上去买黎试下顺便食个饭。松软明太子上灌汤蛋卷＄82蛋卷用左上汤，调味适中，咬落好似有汤咇出黎咁，卷住小小辣咸咸地既明太子，好适合送饭。明太烧乌冬小食＄68另一个明太子既classic菜色，加左明太子酱去烧既乌冬，每一条都沾满一层薄薄既明太子，捞埋木鱼丝，乌冬口感弹牙，风味十足。鳕卵碗三文鱼拼油甘鱼＄148呢个系呢度既signature，大大条明太子直接放系饭面，加上三文鱼粒同油甘鱼粒，全部捞匀，刺身鲜甜明太子惹味，另外配上6款调味料如芝麻香葱可以自己配搭，最后食晒d刺身，我倒左d上汤当泡饭食，一个丼饭足足有3个食法。溶化的芝士跟炸明太子＄78炸皮里面包住左溶溶地既明太子芝士酱，出面脆卜卜，一咬开d芝士酱就漏出来，口感丰富。2个人食左＄600，之后仲买左个明太子吱吱装返去自制明太子卷。