影片
更多
2017-03-11
272 浏览
老公见我成日写食评，佢都写埋一份 以下系出自佢本人嘅足本！针灸完肚仔饿去揾食，见到肠仔佬呢个招牌，肠粉好似六蚊四条，睇价钱经已觉得好贴地，于是就order咗一份！嗱，识得食，一定系配埋鱼蓉烧卖嚟食，加埋都系十一蚊，系十一蚊㖞！印象中呢个真系我呢个八十后初中年代嘅价钱嚟！不禁同老板讲咗句：好耐冇食过咁抵食嘅肠粉啦！佢笑笑口咁话：哈，系呀！第二道真系食唔到，得我仲卖紧呢个价钱，而且第度仲冇我咁好味添呀！老板一贯作风咁问我要咩酱，睇佢落芝麻嘅时候毫不留手，就知碟肠粉个酱足料！！虽然冇影相，不过都形容吓碟肠粉个卖相：虽然系最后一份，但每条都胀卜卜，啲甜，麻，豉油好有泼墨画风咁散布喺上面，再加一阵香口芝麻做装饰，旁边就有五粒黄色烧卖，三个字形容：好地道！车，咪又系猪肠粉加鱼蓉烧卖！要知道肠粉其实都有级数分㗎，唔好食嘅会鞋口，甚至乎入口都冻嘅，呢档虽则唔系热到烫嘴，不过食得出系够热，就算系加咗存放喺常温嘅酱汁都仲好够热，而且一啲都唔鞋口！重点嚟啦！个麻酱好香口，芝麻香得嚟唔会有㶶味，两样加埋令到食完行到出巴士站等车嘅我，口腔都仲有麻酱味嘅余韵！！鱼蓉烧卖喺呢刻，好唔好味其实都系次要啦！五蚊五粒就
针灸完肚仔饿去揾食，见到肠仔佬呢个招牌，肠粉好似六蚊四条，睇价钱经已觉得好贴地，于是就order咗一份！嗱，识得食，一定系配埋鱼蓉烧卖嚟食，加埋都系十一蚊，系十一蚊㖞！印象中呢个真系我呢个八十后初中年代嘅价钱嚟！不禁同老板讲咗句：好耐冇食过咁抵食嘅肠粉啦！
佢笑笑口咁话：哈，系呀！第二道真系食唔到，得我仲卖紧呢个价钱，而且第度仲冇我咁好味添呀！
老板一贯作风咁问我要咩酱，睇佢落芝麻嘅时候毫不留手，就知碟肠粉个酱足料！！
虽然冇影相，不过都形容吓碟肠粉个卖相：虽然系最后一份，但每条都胀卜卜，啲甜，麻，豉油好有泼墨画风咁散布喺上面，再加一阵香口芝麻做装饰，旁边就有五粒黄色烧卖，三个字形容：好地道！
车，咪又系猪肠粉加鱼蓉烧卖！要知道肠粉其实都有级数分㗎，唔好食嘅会鞋口，甚至乎入口都冻嘅，呢档虽则唔系热到烫嘴，不过食得出系够热，就算系加咗存放喺常温嘅酱汁都仲好够热，而且一啲都唔鞋口！
重点嚟啦！个麻酱好香口，芝麻香得嚟唔会有㶶味，两样加埋令到食完行到出巴士站等车嘅我，口腔都仲有麻酱味嘅余韵！！
鱼蓉烧卖喺呢刻，好唔好味其实都系次要啦！五蚊五粒就咪咁多要求啦！
加上一个咁贴地嘅价钱，食店旁仲有两个麻甩佬剥瓜子饮“狮威”，成个画面真系好地道好港式好贴地，完全唔觉系置身喺经已被领汇入侵咗嘅屋邨商场入面食野！
最后我食完顺手俾番只碟老板，佢讲咗句“多谢晒”！
呢十一蚊嘅肠粉烧卖，除咗价钱贴地之外，仲包含住一份人情味，我估老板都系多年老铺，唔忍心喺竹园呢个老人屋邨大幅加价，先知保留番呢个价钱！
问心虽然唔系米芝莲级味道，但我都一定会再食！！！
张贴