影片
更多
2021-08-09
58 浏览
大角咀好唔就脚😫，但唔知点解佢系九龙区其中一个美食集中地，星期六我同朋友专登去咗𠮶度帮衬良心小店💛「Homeland」。我知佢大埔都有店，但距离我更远吧。餐厅周末都有提供午市套餐，主食选择有成十七款，当中有三款仲系生酮料理添。午餐定价由$78至$148不等，但其实大部份都系$88或者$98，我认为性价比高啊👍。午市有加配小食嘅选项，但睇完一轮感觉都系Pizza吸引啲，所以最终嗌咗三个午餐🤣✌🏻。佢每样份量都多，我哋咁大食都近乎食唔哂。肉酱芝士四重奏薄饼($98)，🍕薄饼造型几有心思㖞，偏白色嘅芝士上面放咗粒车厘茄🍅，每片中间就好似有个咸蛋黄太阳咁。薄饼皮无想像中咁薄，反而觉得成件重叠叠，因为啲肉酱多到一个点，正啊！肉酱味道浓郁，同芝士简直系绝配。虽然我食唔出四只芝士🧀，但拉丝效果明显，咸香十足。第一次食肉酱口味嘅薄饼，估唔到都几夹，全程不断令我联想起肉酱意粉呢。牛油果烟三文鱼阔条面($98)，见餐牌写明手工意粉系每日新鲜制造，令到我好有期望😜。阔条面望落平平无奇，但一咬就发觉坚系自家制。面条偏厚身，口感非常爽弹，我并无喺其他地方食过类似嘅味道，令人印象深刻。我认为佢比起所谓意大利专门店
大角咀好唔就脚😫，但唔知点解佢系九龙区其中一个美食集中地，星期六我同朋友专登去咗𠮶度帮衬良心小店💛「Homeland」。我知佢大埔都有店，但距离我更远吧。
餐厅周末都有提供午市套餐，主食选择有成十七款，当中有三款仲系生酮料理添。午餐定价由$78至$148不等，但其实大部份都系$88或者$98，我认为性价比高啊👍。
午市有加配小食嘅选项，但睇完一轮感觉都系Pizza吸引啲，所以最终嗌咗三个午餐🤣✌🏻。佢每样份量都多，我哋咁大食都近乎食唔哂。
肉酱芝士四重奏薄饼
$98
13 浏览
0 赞好
0 留言
肉酱芝士四重奏薄饼($98)，🍕薄饼造型几有心思㖞，偏白色嘅芝士上面放咗粒车厘茄🍅，每片中间就好似有个咸蛋黄太阳咁。薄饼皮无想像中咁薄，反而觉得成件重叠叠，因为啲肉酱多到一个点，正啊！肉酱味道浓郁，同芝士简直系绝配。虽然我食唔出四只芝士🧀，但拉丝效果明显，咸香十足。第一次食肉酱口味嘅薄饼，估唔到都几夹，全程不断令我联想起肉酱意粉呢。
牛油果烟三文鱼阔条面
$98
26 浏览
0 赞好
0 留言
牛油果烟三文鱼阔条面($98)，见餐牌写明手工意粉系每日新鲜制造，令到我好有期望😜。阔条面望落平平无奇，但一咬就发觉坚系自家制。面条偏厚身，口感非常爽弹，我并无喺其他地方食过类似嘅味道，令人印象深刻。我认为佢比起所谓意大利专门店P字头嘅出品还要出色🍝。烟三文鱼砌成一朵玫瑰花，有三大片，份量唔孤寒。最后不得不提牛油果🥑，果肉够熟，所以好软。
慢煮猪肩椰菜花饭
$108
19 浏览
0 赞好
0 留言
慢煮猪肩椰菜花饭($108)，呢个系生酮料理，即系碳水化合物含量极低嘅菜式。🥦椰菜花打到劲细劲碎，真系好似饭粒，由于密度高，挂汁效果一流。芝士渗透喺每一粒菜花入面，食落好Juicy。🐷猪肩肉集中放喺中间，有好多片，味道都OK，有少少肥，所以感觉有啲似猪颈肉。佢令到呢道健康菜式口味无咁寡。
午餐跟田园沙律🥗，大碟嘅，但味道无乜特别，个汁系用上黑醋汁。如果将沙律换成汤，我会开心啲，哈哈。
饮品方面，跟餐饮品大大杯🍹，选择有茶、咖啡、汽水同橙汁等。食完三个餐，再饮埋咁大杯嘢，想唔饱都几难😅。
总括嚟讲，呢间小店嘅食物质素令人满意，价钱贴地，出品高水准😋。同时，餐厅嘅装修唔错㗎，餐枱以至餐具都系色彩缤纷🌈。如果想支持撑香港人嘅小店，不妨考虑Homeland啊🇭🇰。
张贴
