上海豆漿大王

营业中

休息中

作为一个生于九龙，住于九龙嘅九龙人，什少踏足新界，但就因为有个为食女友，又黎咗转新界一日游黎到屯门，其实已经同旺角无咩分别，好多大型品牌进驻屯门市广场，而家又有西铁直达屯门站，v city又有超市又有各种商舖，又有野食，的确相信屯门人都唔使特登出九龙隔离嘅新墟除左有街市，又有K唱，又有平靓正戏院之外，仲有就系啲舖头仔食肆，就好似呢间豆浆大王咁，老老豆豆，个门面好似好up dup咁，好似唔多开胃，但系为食女友已经两眼发光咁望住个餐牌，细睇一下个餐牌，又真系平民嘅价钱㖞，仲要等位，不过呢度啲街坊真系好合作，一食完就走，唔会阻人做生意，唔似现今啲文明人咁，食饱仲坐喺度打机禁fb...话咁快有位，位一定系窄嘅，不过啲姐姐好客气，大家街坊都好将就，女友一黎已经话酸辣云吞面，份量都几足，料又多，有猪血，猪皮，木耳，蛋皮，笋，加埋云吞同面，面够爽口唔"立"，连果只云吞一咬落去都成口菜同肉，一啲都唔欺场见好多街坊会独立叫一件排骨食，我地又试下，原来排骨即系猪扒，不过炸到好松软，加左啲香料，配面食一流再叫多左客锅贴，但锅贴就较为逊色，因为个锅贴皮面有种因为湿而变稔嘅感觉，虽然无损佢嘅味道，亦都系"涵"料