影片
更多
2020-06-30
7805 浏览
🐻上次同𡃁妹做完facial ，觉得几靓靓🥰，买左个course，以后每个月都会去尖沙咀一趟，勤力啲做面扮靓靓。📌做完面去到6，7点，正直食饭时间，紧系孖埋树熊去食好西喇。📌今次试下系尖沙咀区出名的平民汉堡小食店《嘉宝汉堡》，地点有点偏远尖沙咀中心，熊妹睇地图📍念左好耐应该点行，不过由树熊带路就无有怕。原来由美丽华商场出发一直沿著金巴利道一直行一直行到尾去到漆咸围就见到《嘉宝》喇。📌店铺小小，几个bar枱位，一张四人枱，一张二人枱，地方有点浅窄。📌大概7点到达，正直晚餐时段，所以都等左起码45分钟先有得入坐，要堂食真系要早啲黎排队。📌以猪、牛、鸡、虾、羊做汉堡饀料，任君选择，价钱$36-$60，加套餐$15，包一款小食及饮品，小食可拣薯条、薯格、烧卖或者炸烧卖，另加$5可选炸番薯条，都几抵食。黑松露芝士牛堡，$50📌一望个餐牌，黑松露牛堡一定系熊妹的囊中物🤩。满满的黑松露酱澎湃的涌出来，接都接唔住，真系要小心翼翼咁食，如果唔系会浪费哂咁美味的食材。牛肉汉堡排煎得香香的，肉质系超软淋，夹埋一片溶溶的芝士🧀，一片新鲜蕃茄🍅同一片生菜🥬，仲有涂上少少沙律酱系包面，各种口感的配撘就系汉堡包🍔的
📌做完面去到6，7点，正直食饭时间，紧系孖埋树熊去食好西喇。
📌今次试下系尖沙咀区出名的平民汉堡小食店《嘉宝汉堡》，地点有点偏远尖沙咀中心，熊妹睇地图📍念左好耐应该点行，不过由树熊带路就无有怕。原来由美丽华商场出发一直沿著金巴利道一直行一直行到尾去到漆咸围就见到《嘉宝》喇。
📌店铺小小，几个bar枱位，一张四人枱，一张二人枱，地方有点浅窄。📌大概7点到达，正直晚餐时段，所以都等左起码45分钟先有得入坐，要堂食真系要早啲黎排队。
📌以猪、牛、鸡、虾、羊做汉堡饀料，任君选择，价钱$36-$60，加套餐$15，包一款小食及饮品，小食可拣薯条、薯格、烧卖或者炸烧卖，另加$5可选炸番薯条，都几抵食。
黑松露芝士牛堡
$50
290 浏览
0 赞好
0 留言
📌一望个餐牌，黑松露牛堡一定系熊妹的囊中物🤩。
满满的黑松露酱澎湃的涌出来，接都接唔住，真系要小心翼翼咁食，如果唔系会浪费哂咁美味的食材。
牛肉汉堡排煎得香香的，肉质系超软淋，夹埋一片溶溶的芝士🧀，一片新鲜蕃茄🍅同一片生菜🥬，仲有涂上少少沙律酱系包面，各种口感的配撘就系汉堡包🍔的滋味喇！
芝士牛堡
$39
213 浏览
0 赞好
0 留言
树熊拣左最简单的芝士牛堡再另加烟肉，咁先食哂自己想食的野。
同样地牛肉汉堡有齐牛肉汉堡排、芝士、蕃茄、生菜，而家加埋烟肉脆脆地又咸咸地，多一层调味。
蕃薯条，薯格
115 浏览
1 赞好
0 留言
跟餐小食拣左蕃薯条，另加$5，同薯格。
蕃薯条好惹味，蕃薯肉淋淋的，肉质甜甜地又夹埋盐份，又甜又咸，唔点任何酱汁已经好滋味。
薯格炸得几脆㖞！放耐左唔会变淋，点茄汁真系好味！
炸烧卖
$14
171 浏览
0 赞好
0 留言
另外再额外点埋炸烧卖，本身熊妹已经好钟意食炸烧卖，估唔到《嘉宝》都有做呢款小食，当然要试下喇。
本身鱼肉烧卖炸得变得香口，更显肉质的烟韧，再洒上椒盐，坚系正呀，另外配上少少沙律酱，不过熊妹觉得就咁食已经好够味，加上沙律酱就有点多余了。
炸芝士条
$10
101 浏览
0 赞好
0 留言
跟餐可追加$10有两条炸芝士条。
呢款小食就逊色了点，外表系炸得好脆的，但炸皮比较厚，食落一扁扁炸粉团，内里的芝士相信系mozzarella cheese，无咩芝士味的，要做到拉丝的效果系要用上mozzarella cheese，但要芝味特出就系cheddar cheese，所以一般都会两者兼用先能做出拉丝芝味的效果。
不过价钱咁平，都不能要求太多。
鸡翼（BBQ)
$10
92 浏览
0 赞好
0 留言
大食树熊不嬲都钟意食鸡翼，见到十蚊两只点都要食埋喇。
鸡翼本身炸起，鸡肉都好嫩滑。
拣左BBQ味，原来系鸡翼捞上BBQ酱，酱汁味道太浓烈，而且成只鸡翼都系浸满酱汁，盖过了鸡翼的味道，成口都系BBQ酱汁，早知点原味简单啲。
BBQ菠萝鸡排堡
$39
98 浏览
0 赞好
0 留言
📌大食树熊食一个堡又点会够饱呢？点都要食多个鸡排先塞得饱佢个肥肚。
试完牛咪试下鸡啰，树熊话鸡排一定要跟芝士先好味，所以另加芝士，$6。
拣呢个鸡堡吸引之处系块厚厚的菠萝片，超多汁又甜又厚肉又清新，可以解解汉堡的油腻。
鸡排煎得香香，肉质新嫩，加埋蕃茄，生菜，又另一番风味。
不过又系味道浓烈的BBQ酱，食到漏哂酱汁出黎，亦抢了不少鸡堡本身的味道，树熊同熊妹都提议点原味沙律酱或者走BBQ酱比较好。
罐装汽水
124 浏览
0 赞好
0 留言
跟餐汽水，树熊点了最爱的可口可乐，本身好怕饮肥仔水的熊妹都不得不点返一罐零系可口可乐送汉堡薯条，因为食呢啲炸物肥腻餐真系要饮返啲有汽饮品gur一gur去。
📌整体来讲，各款汉堡小食都做得几出色，以咁平民的价钱食到烧鹅的味道，仲要系尖沙咀地段，简直系街坊生意，不过地方窄左小小，可以外卖🥡拎走返屋企慢慢叹。
张贴
