石之牛石板日式料理 (已結業)

n年前 尖沙咀Gateway 嘅 Stone Grill 喺高档餐厅带动咗呢一种 石头烧 嘅潮流。喺屋企真系好难搞，所以今次试吓呢个平民版先。一入到嚟已经有围裙供应，好贴心。装修简洁干净企理。话晒都系扒房，油烟肥漏一定有返咁上下，但系呢度都好干净。地下枱面唔会痴笠笠。选择真系好丰富，价钱都合理。抵赞嘅系呢度沙律自助无限供应，新鲜爽脆嘅，每个兜都混合咗几款沙律菜。沙律酱都有几款拣，大路嘢冇伏。我就钟意苹果醋同埋芥辣酱。牡丹虽好 还需绿叶扶持。唔好睇小呢啲小小嘅粉红色喜马拉雅山盐，佢嘅咸味真系唔同㗎。我试过𠮶啲黑色嘅喜马拉雅山盐，𠮶啲系有淡淡的陈皮味。不过问题就嚟啦。件扒由上枱时嘅三成熟，食吓食吓变咗九成熟。到最后一啖九成熟嘅扒都食埋啦，旧石头都仲系热嘅。