惠 (已結業)

我系超钟意食日本餐嘅人，基本上三餐入边有一餐走唔甩都系日本菜。香港嘅Omakase我都试咗接近七成，今次嚟到呢一间开咗大概半年嘅日本店试吓，估唔到佢仲有厨师发板添，而且价钱唔系好贵，今次发现咗呢间咁好味嘅餐厅，真系执到宝了。因为嘢食咗好多，所以我就拣咗几款我钟意嘅介绍俾大家，食物次序系我最钟意💓嘅排先。岩手县广田湾生蚝💓💓💓💓💓呢个生蚝真系大爱，净系睇到佢闪闪新辉嘅金箔，就好友打卡嘅感觉，而且仲系好大只添，超有海水味。中拖罗 大拖罗 💓💓💓💓💓佢哋唔同嘅分别就系在于油脂唔同，大拖罗嘅油脂会比较多，肉质澄白色。中拖罗就会比较着重口感，鱼肉味比较香。帆立贝寿司 💓💓💓💓寿司上边配上左海带，海带系有少少咸咸地，帆立贝肉质好甜，够新鲜。成个配搭可以就咁食唔需要任何调味。明太子白虾寿司💓💓💓💓呢个配搭好特别，白虾寿司好新鲜，虾嘅肉质超级弹牙，配上咸咸地嘅明太子，唔需要点豉油食都好够味。