有情有意 (已結業)

呢间系一间社企主理既轻西餐，主要系让聋哑人士有工作既机会，融入社会，算系良心企业。入门口已经感受到欢乐气息，装修同摆设都好缤纷，有图书阁，仲有唔少靓靓公仔。我同同事去食lunch ，Set lunch选择唔少，仲有比较丰富既二人餐。我地想试特别d既食物，所以拣左火炙带子三文鱼醋饭，原来佢地系类似寿司卷。整体味道好清新，三文鱼少少熟，卷中间有芝士、玉子同青瓜，酸酸甜甜好开胃。但食下食下，食多几件其实都好够饱。另外我地点左大虾黑松露意大利饭，饭身好creamy好软滑。佢地既饭好特别，特别细粒，饭中夹杂左少少菇，几有咬口。黑松露味道几出色，令人满足，可惜虾肉唔够味，失色左dd。Lunch加$48可以换刺身拼盘，味道无咩特别，但过下口瘾都唔错。跟餐除左送餐汤、饮品，仲有甜品，今日系士多啤梨泡芙。良心食肆Lunch小甜点作结，好幸福。