越南米紙 (已結業)

德福食肆普遍都偏贵，距离九龙湾地铁唔太远嘅屋村商场入边有间价钱贴地嘅越南餐厅，装修简单舒适！猪扒捞檬配米纸春卷: 檬粉份量十足，非常大碗抵食。而檬粉质感爽口，香茅猪扒炸得够透，好香口！而春卷方面，米纸系呢度嘅招牌菜，米纸代替春卷皮，令到春卷更薄身同口感更脆，配埋足料嘅春卷馅料，可以encore ! 法式红酒炆牛尾: 估唔到用咁嘅价钱都可以食到有质素嘅牛尾，牛尾炆得够晒林，肉质唔会痴牙仲好嫩口 ，唯独可以多番少少红酒味。紫薯沙冰:最令我惊喜嘅系呢度嘅特色饮品，因为佢哋仲冲得好味过好多专营饮品嘅店舖！黎到见到紫薯沙冰卖相已经觉得几靓，紫薯味浓郁，上层忌廉香滑，绝对冇失望👍🏻Oreo朱古力沙冰: 足料嘅朱古力沙冰每一啖都有朱古力同埋Oreo碎，而朱古力系好rich既可可粉冲，味道绝对唔会好假👍🏻