影片
更多
2014-04-06
2739 浏览
先𠮶排为咗同Babe P小姐庆祝生日，就上Open Rice揾边度有好嘢食。由于我同P小姐都系住新界偏远地区，所以拣咗位于尖沙咀嘅〖和幸吧〗日式烧烤，方便大家食完散水返屋企。其实依次饭局都约得比较急，照博一铺Book礼拜五晚8点，幸好都店员话室外仲有位。当日店员除左会打嚟confirm booking，店员亦会预早5~10分钟再打嚟confirm一下你嘅位置。全部对话店员态度都好nice.上到去地方都算大，室外大约可以坐5~6枱左右，但所谓室外其实都有瓦遮头，就算落雨都唔怕。到处挂上好有日式风味嘅红灯笼，感觉似去咗居酒屋。打开餐牌，见到最贵都＄528就有一盘特选肉盛烧烤拼盘。价钱比和宴平，算系几合理！点完餐，店员送上一杯前菜，有青瓜、甘荀等，仲附上一碟好似面鼓。唔系用一般嘅石油气／煤气炉，而系选用类似炭精去烧，感觉几得意～等上菜期间，店员主动帮我加咗一个胶垫，遮住我嘅手袋，非常贴心呀！好喇～系时侯睇下我哋点咗咩菜喇！第一个就系『日本蕃茄沙律』。一般生蕃茄，都有阵蔬菜嘅腥味，但依个蕃茄沙律完全冇依阵味。加上日式芝麻酱唔太浓，食落去好fresh～我哋点咗左图𠮶个『海鲜黑毛和牛盛』，只虾大到
其实依次饭局都约得比较急，照博一铺Book礼拜五晚8点，幸好都店员话室外仲有位。当日店员除左会打嚟confirm booking，店员亦会预早5~10分钟再打嚟confirm一下你嘅位置。全部对话店员态度都好nice.
上到去地方都算大，室外大约可以坐5~6枱左右，但所谓室外其实都有瓦遮头，就算落雨都唔怕。到处挂上好有日式风味嘅红灯笼，感觉似去咗居酒屋。
打开餐牌，见到最贵都＄528就有一盘特选肉盛烧烤拼盘。价钱比和宴平，算系几合理！
点完餐，店员送上一杯前菜，有青瓜、甘荀等，仲附上一碟好似面鼓。
唔系用一般嘅石油气／煤气炉，而系选用类似炭精去烧，感觉几得意～
等上菜期间，店员主动帮我加咗一个胶垫，遮住我嘅手袋，非常贴心呀！
好喇～系时侯睇下我哋点咗咩菜喇！第一个就系『日本蕃茄沙律』。一般生蕃茄，都有阵蔬菜嘅腥味，但依个蕃茄沙律完全冇依阵味。加上日式芝麻酱唔太浓，食落去好fresh～
我哋点咗左图𠮶个『海鲜黑毛和牛盛』，只虾大到呢⋯⋯有一只手掌咁长呀～ 如果钟意食牛嘅朋友可以叫右图𠮶一款『极上黑毛和牛盛』，就咁睇落去D牛肉脂肪分布的好均匀！可惜依一盘唔系我哋叫，系送错咗，oops~
依碟就系螺肉，比想像中嘅份量算多
当然唔少得我最爱嘅清酒煮蚬啦～ D蚬都几大只，但略嫌清酒味唔够
带子只得2只，唔够喉呀
海鲜盛唔止有带子，仲有蟹脚⋯⋯
由于T小姐唔食得牛嘅关系，所以我哋令另外咗碟『果味芝士鸡腿肉 』。芝士并唔系藏系鸡肉度，而系做成一个偏稀嘅白芝士汁。
仲有『汁烧厚切豚五花』，烧完之后都好juicy
食咁多热气嘢，当然要啤一啤佢啦～ 𠮶晚3个人坐系度倾计，本身店员话限时食2小时，但最后都冇迫我地走，结果我同P小姐每人饮咗3杯大啤，今次真系肥爆喇！【总括食评】
味道：好过八盛，牛肉方面同和宴不相伯仲
环境：整体都唔错，但嫌佢哋选用嘅櫈櫈背太矮，完全都唔可以倚住，想挂褛都好唔方便
服务：店员都好有礼貌，而且佢哋行过见我哋想夹起铁板时，主动帮忙，又教我哋点咩酱汁会好食D
卫生：厕所卫生度唔错，唔会淋泣泣，其他地方都冇乜问题
抵食：依餐我哋3个人食，埋单总共＄1,412，即是每人平均＄470左右，都唔算太贵！
有机会嘅话，我都想去多次！
张贴
